Како се изведува тренингот?

Едно видео = еден тренинг за тој ден.
Еден тренинг е составен од неколку сетови на вежби.

Вежбите се прават по истиот редослед како што се прикажани во видеото, но интензитетот може да се прилагоди според вашата моментална физичка подготвеност.

Препорачаниот број на серии е од 5 до 10 серии.

Доколку на почеток не можете да направите 5 серии, слободно започнете со помал број. Со текот на времето, како што ќе станувате посилни и поиздржливи, постепено зголемувајте го бројот на серии.

Редослед на тренингот

На почеток се изведуваат Jumping Jacks, а потоа продолжувате со вежбите по редослед како што се прикажани во видеото.

Доколку се чувствувате добро и не сте премногу уморни, можете веднаш да продолжите со следниот сет вежби, без дополнителна пауза.

Доколку ви е потребен одмор, направете кратка пауза помеѓу секој сет на вежби, а потоа продолжете понатаму.

Кога ќе ги изведете сите вежби од видеото еднаш од почеток до крај, тоа се смета за 1 завршена серија.

Потоа направете пауза од 2–3 минути и повторно започнете од почеток.

Истата постапка се повторува за:
2-ра серија, 3-та серија, 4-та серија… сè до бројот на серии што можете да ги изведете.

Важно е тренингот да го прилагодите според вашето ниво. Не е целта веднаш да стигнете до максимумот, туку постепено да напредувате и со секој тренинг да станувате посилни.